Լեզվաբանական գիտությունների թեկնածու, պարգևատրված է «Մովսես Խորենացի» մեդալով և Երևանի Մամուլի ակումբի պատվոգրով։
Այսպես կոչված՝ խաղաղության համաձայնագրի 17 կետերի համաձայնեցման առթիվ խոճկորի հրճվանքը հասել է գագաթնակետին. ռեժիմին ծառայող քարոզչամեքենան պնդում է, թե իբր՝ Փաշինյանին հաջողվեց այն, ինչը չի հաջողվել իր նախորդներին 30 տարի շարունակ։ Փաշինյանից առաջ բանակցությունների պատասխանատուներից ոչ մեկը կապիտուլյանտ չի եղել, ուստի չի շտապել բավարարել Ադրբեջանի պայմանները։ Հիշյալ համաձայնագրի տեքստի բացառիկությունն ամփոփված է միայն Ալիևի և Փաշինյանի շահերի համընկնման մեջ։
Արցախի Հանրապետության ռազմաքաղաքական ղեկավարության 8 մեղադրյալներից մեկը՝ ԼՂՀ Պաշտպանության բանակի նախկին հրամանատար գեներալ-լեյտենանտ Լևոն Մնացականյանը, հաստատել է իր մասնակցությունն Արցախի ազատագրմանը: Նա նշել է, որ անհրաժեշտության դեպքում կարող էր լինել ամենուր, որտեղ ընթանում էր այդ պայքարը. «Այնտեղ, որտեղ չեմ մասնակցել, կարող էի մասնակցել անհրաժեշտության դեպքում»: Բաքվից ստացված տեղեկություններին, իհարկե, վստահել չի կարելի, բայց այս արտահայտությունը շատ ճշգրիտ է բնութագրում մեզ հայտնի Հաղթանակի գեներալին։ Ընդդիմության ճամբարում միմյանց վրա ցեխ շպրտելու իրավիճակի խորապատկերին գեներալի հայտարարությունը կոչված է սթափեցնող դեր խաղալ։ Բոլոր երկրներում զինվորականները ենթարկվում են հրամանին, և գեներալները բացառություն չեն: Հաղթանակի այս գեներալը Փաշինյանի հետ բախման իր պատմությունն ունի։
Վերջերս ազատ արձակվեց «Ֆազ» մականունով քրեական հեղինակություն Սերգեյ Գրիգորյանի սպանության մեջ մեղադրվող քրեական հեղինակություն Ռուստամ Ստեփանյանը՝ «Չաղ Ռուստամ» մականունով: «Գոլոս»-ն իր լսարանին տեղեկացրել է 2024 թվականի հունիսին մարդաշատ վայրում՝ այլ մարդկանց կյանքի և առողջության վտանգումով կատարված սպանության մասին: Ստեփանյանին ազատ արձակելու որոշումը կայացրել է դատավոր Մասիս Մելքոնյանը: ԶԼՄ-ներում անմիջապես հղումներ հայտնվեցին իշխող քաղաքական շրջանակների հետ Ստեփանյանի կապերին, հիշատակվում էր «Հանրապետություն» կուսակցության առաջնորդ, նախկին վարչապետ Արամ Զավենիչը։
Այսօր հայոց պետականության պահպանմամբ ու զարգացմամբ շահագրգիռ քաղաքական ուժերի օրակարգի թիվ 1 կետը պետք է լինի իշխանությունից Փաշինյանի անցնցում հեռացման հարցը, ՌԴ-ի հետ հարաբերությունների կարգավորումը, Իրանի հետ համագործակցության զարգացման միջոցով անվտանգության իրական համակարգի կառուցումը: Այս օրակարգից դուրս գտնվող ամենը ինքնաոչնչացման ուղեգծի շարունակությունն է։ Փետրվարի 19-ին իշխող վերնաշերտի պարագլուքը հնչեցրեց միջնակարգ դպրոցի մակարդակի մի շարք թեզեր՝ բանավեճի հրավիրելով երկրի քաղաքացիներին 14 կետերի շուրջ:
Ամեն ինչ չափ ու սահման ունի, իշխող վերնաշերտի պարագլխի յուրաքանչյուր նոր քայլի հետ թվում է, թե հատակն արդեն կարելի է ձեռքով շոշափել, որ ավելի վար ընկնելու տեղ այլևս չկա, բայց ներքևից նորից թակում են։ Այս անգամ «թակոցը» դրսևորվեց նոր գաղափարախոսության թեմայով Փաշինյանի ելույթի տեսքով։ Հատակին լինելու զգացողությունը, որի տակ կա նոր հատակ, իսկ դրա տակ՝ ևս մեկը, և այդպես անվերջ, պարբերաբար այցելում է առողջ գիտակցություն ունեցող մարդկանց:
«Գաղափարական տրանսֆորմացիան», որի մասին Փաշինյանը խոսում էր Ֆրանսիայի հայ համայնքի ներկայացուցիչների հետ հանդիպման ժամանակ, գործընթաց է, որը գոյություն ունի միայն իր երևակայության մեջ: Մեկնաբանելով Դոնալդ Թրամփի պահվածքը՝ քաղաքագետները հաճախ նշում են, որ խելագար ձևանալը հայտնի տեխնոլոգիա է, որին հաճախ են դիմում քաղաքական գործիչները: Փաշինյանը, հիշեցնեմ, մի անգամ խոստովանեց, որ այլ երկրների ներկայացուցիչների հետ հանդիպումների ժամանակ երբեմն գժի տեղ է դնում իրեն։ Ֆրանսիայի հայ համայնքի հետ հանդիպման մասին ռեպորտաժից կարելի էր եզրակացնել, որ իշխող վերնաշերտի պարագլուխը բացահայտ չափն անցնում է գժի դերի մեջ։ Դա հեշտությամբ կարդացվում էր ներկաների դեմքին, որոնք քաղաքավարությունից դրդված լսում էին այն «գաղափարական» զառանցանքը, որ բարբաջում էր վարչապետի աթոռին բազմած մարդը…
2021թ.ապրիլի 6-ին Երևան քաղաքի առաջին ատյանի դատարանը բավարարեց քրեական հետապնդումը դադարեցնելու մասին պաշտպանական կողմի միջնորդությունը՝ Քր.օր.-ի 300.1 հոդվածը ՀՀ Սահմանադրությանը հակասող ճանաչելու մասին ՍԴ որոշման հիման վրա: Երկրորդ նախագահ Ռոբերտ Քոչարյանի, նախկին փոխվարչապետ Արմեն Գևորգյանի և մարտական գեներալներ Յուրի Խաչատուրովի ու Սեյրան Օհանյանի նկատմամբ քրեական հետապնդումը դադարեցվեց, իսկ ոչ վաղ անցյալում Գլխավոր դատախազությունը նոր մեղադրանքներ ներկայացրեց Օհանյանին՝ մարտի 1-ի գործով:
2020 թվականի փետրվարի 25-ին ԶԼՄ-ները հայտնեցին, որ մեղադրյալի աթոռին են հայտնվել Արցախի երկու հերոսներ. հայկական երկրորդ հանրապետության առաջին նախագահ, հետագայում ՀՀ երկրորդ նախագահ Ռոբերտ Քոչարյանը և Պաշտպանության (Ինքնապաշտպանության) կոմիտեի նախագահ, հետագայում ՀՀ երրորդ նախագահ Սերժ Սարգսյանը։ Հեղափոխական էյֆորիայից հետո ուշքի եկած շարքային քաղաքացիներն այդ օրը կրկնում էին, որ այսօր Հայաստանում դատում են Արցախը։ 44-օրյա պատերազմի սկսվելուն մնում էր 7 ամիս։ 5 տարի անց Փաշինյանը խոստովանեց, որ ի դեմս Արցախի Հանրապետության (նա ասում է՝ «Ղարաբաղ») ռազմաքաղաքական ղեկավարության ներկայացուցիչների՝ Բաքվում դատում են Հայաստանը։ Իրադարձությունների նման զարգացումը թելադրված է «սիրո և համերաշխության հեղափոխության» ծրագրով ու գերխնդրով։
Դեռևս 2024 թվականին փորձագետները կանխատեսել են առաջին անհրաժեշտության ապրանքների գների և հարկերի բարձրացումը 2025թ. հունվարից։ Միաժամանակ կառավարությունը հայտարարեց, որ աշխատավարձերի, կենսաթոշակների և նպաստների չափերը չեն ավելացվելու։ «Սպառողների խորհրդատվության կենտրոնի» նախագահ Կարեն Չիլինգարյանը նշեց, որ «իշխանությունների քաղաքականությունը հարվածում է ոչ միայն ծայրահեղ աղքատներին, այլև նրանց, ովքեր դեռ հավասարակշռություն են պահպանում աղքատության եզրին»:
Սյունիքում դատարանը մեղավոր է ճանաչել գեներալ-լեյտենանտ Ջալալ Հարությունյանին: 2022թ. սեպտեմբերին Արցախի Պաշտպանության բանակի նախկին հրամանատարին մեղադրանք էր ներկայացվել 550-րդ հոդվածով (3-րդ մաս), որը պատասխանատվություն է նախատեսում ռազմական դրության և պատերազմի պայմաններում սեփական պարտականությունների նկատմամբ անփույթ վերաբերմունքի համար: